പുതിയ ടെക്നോളജികളുടെ അടിസ്ഥാനത്തിലുള്ള അധ്യാപന ജീവിതത്തിന്റെ തുടക്കമായിരുന്നു ഈയാഴ്ച. കൊവിഡ് വീണ്ടും രൂക്ഷമായ സാഹചര്യത്തിൽ ഒന്നു മുതൽ 9 വരെയുള്ള എല്ലാ സ്കൂൾ വിദ്യാർഥികൾക്കും സ്കൂൾ അടച്ചിരിക്കുന്നു. കുട്ടികൾ നേരിട്ട് കാണാതെ ഗൂഗിൾ മീറ്റ് ലൂടെയും മറ്റും ക്ലാസ്സ് എടുക്കേണ്ടി വരിക എന്നുള്ളത് എന്നെ സംബന്ധിച്ചിടത്തോളം വളരെ വിഷമകരമായ ഒന്നായിരുന്നു. വീട്ടിൽ റേഞ്ച് ഇല്ലാത്തതിനാൽ ട്യൂഷൻ സെന്ററിൽ ചെന്നിട്ട് ആയിരുന്നു ഞാൻ ക്ലാസ് എടുത്തിരുന്നത്. സ്കൂളിൽ വരണ്ട എന്ന് പ്രധാന അധ്യാപിക പറഞ്ഞിട്ടുള്ളതിനാൽ രാവിലെ ഉള്ള സമയങ്ങൾ ലെസ്സൺ പ്ലാൻ എഴുതുന്നതിനും മറ്റും ചിലവിടാൻ കഴിഞ്ഞു. രാത്രി 6 മണി തൊട്ട് 8 മണി വരെ ആയിരുന്നു നമുക്ക് ക്ലാസെടുക്കാൻ അനുവദിച്ചിരുന്ന സമയം. ആദ്യദിനം 7 മണിക്ക് 9c ക്ലാസിന് ഞാൻ ഓൺലൈൻ ആയി കാസ് എടുത്തിരുന്നു. ഞാൻ പ്രതീക്ഷിച്ചതിൽ നിന്ന് വിപരീതമായി കുട്ടികൾ എല്ലാം വളരെ നന്നായി മറുപടികൾ പറയുന്നുണ്ടായിരുന്നു.ചൊവ്വാഴ്ച 9c ക്ലാസിനു തന്നെ വീണ്ടും 7 മണി തൊട്ട് 7: 45 pm വരെ ഞാൻ ഓൺലൈൻ ക്ലാസ് എടുത്തിരുന്നു. വീഡിയോ പ്രദർശന തോട് കൂടിയുള്ള ക്ലാസ് ആയിരുന്നു അത്. അടുത്ത ദിവസം 8B യിൽ 7 മണി തൊട്ട് 7:45 pm വരെ ഓൺലൈൻ ആയിട്ട് ഞാൻ ക്ലാസ് എടുത്തിരുന്നു. ഗോളിയ ദർപ്പണങ്ങളുടെ പ്രതിബിംബ രൂപീകരണം പവർ പോയിന്റ് പ്രദർശനത്തിലൂടെയും വീഡിയോ പ്രദർശനത്തിലൂടെയും എനിക്ക് എടുക്കാൻ കഴിഞ്ഞു. പക്ഷേ കുട്ടികളുടെ പ്രതികരണങ്ങൾ വളരെ കുറവായിരുന്നു. വ്യാഴാഴ്ച 9A ക്ലാസ്സിൽ ഏഴുമണിക്ക് തന്നെ എനിക്ക് ഓൺലൈൻ ക്ലാസ്സ് എടുക്കാൻ സാധിച്ചു. ഓൺലൈൻ ക്ലാസുകൾ ആയിരുന്നിട്ടുകൂടിയും കുട്ടികളെല്ലാവരും കൊടുക്കുന്ന ഫോളോ അപ്പ് ആക്ടിവിറ്റികൾ വളരെ കൃത്യമായി ചെയ്തു വാട്സാപ്പിലൂടെ അയക്കുന്നുണ്ടായിരുന്നു.
വെള്ളിയാഴ്ച 8B ക്ലാസ്സിന് ആയിരുന്നു ഞാൻ ഓൺലൈൻ ക്ലാസ് വെച്ചിരുന്നത് എന്നാൽ അസഹനീയമായ പനിയും തലവേദനയും കാരണം എനിക്ക് ക്ലാസ് എടുക്കാനായി സാധിച്ചിരുന്നില്ല. ശനിയാഴ്ച സ്കൂളിലെ പത്താം ക്ലാസ് വിദ്യാർത്ഥികൾക്ക് അവയർനസ് ക്ലാസ് 7 മണിക്ക് വെച്ചിട്ടു ഉള്ളതിനാലും പനിയും തലവേദനയും ഉള്ളതിനാലും മറ്റു ക്ലാസുകൾ ഒന്നും ഞാൻ വെച്ചില്ല. ഓൺലൈൻ അവയർനസ് ക്ലാസ്സ് ഓഫ്‌ലൈൻ ആയി എടുത്തതിന്റെ അത്ര സംതൃപ്തി എനിക്ക് ലഭിച്ചിരുന്നില്ല. എന്നിരുന്നാലും 7 മണിക്ക് തുടങ്ങിയ പ്രോഗ്രാം 8:20pm ന് തീർത്തുകൊടുക്കുവാൻ നമുക്ക് സാധിച്ചു.
Comments
Post a Comment